To menn er tiltalte for forsøk på mordbrann etter å ha tent på papir i ein brukt eingangsgrill og sett grilllen inntil ein hyttevegg på Stryn Camping. Hendinga fann stad under motorfestivalhelga i 2012.
Det var rundt klokka 5 om morgongen det tok til å brenne i hytteveggen der eingangsgrillen stod. "En eller flere av de syv personene som lå og sov i hytten kunne lett ha omkommet dersom brannen ikke var blitt oppdaget og varslet i tide", står det i tiltalen, i følgje avisa BT.
Saka kjem opp i Fjordane tingrett 13. og 14. mai, i følgje Firda.