Torsdag førre veke underteikna stryneverksemda Septik 24/ Miljøservice ei treårig avtale med organisasjonen LEVE (Landsforeningen for etterlatte ved selvmord). Avtalen gir fylkeslaget 20.000 kr årleg i avtaleperioden.
- Då eg las artikkelen på NRK Sogn og Fjordane om Fylkeskommunen sine kutt til LEVE, sa eg til kona at "dette går ikkje an", samt at eg brukte nok ei rekkje kraftigare uttrykk, seier Arild Bødal i Septik 24/ Miljøservice.
Nils- Petter Hauge, styremedlem i fylkeslaget, fortel at også andre bedrifter, organisasjonar og einskildpersonar har bidrege økonomisk den siste tida.
- No har vi pengar til å vere meir synlege og drive meir av det førebyggjande arbeidet, seier Hauge.