Johannes T. Bø gjekk først ut på dagens jaktstart, men enda like utanfor pallen på 4. plass. I mål var stryningen 16 sekund bak vinnar Martin Fourcade.
Løpet såg lenge veldig lovande ut for Johannes, heilt til to bom på tredje skyting øydela sjansane hans om ny siger.
Tarjei Bø gjekk ut på 6. plass, og hadde same plassering då han gjekk over mål. Han var veldig god på standplass i dag med 19 av 20 treff, men det gjekk litt trått i sporet for dei norske løparane i dag.
- Det er eit tøft nivå, og dei var nok slitne etter stafetten i går. Vi er litt skuffa med tanke på det gode utgangspunktet i dag, meinte Halvard Hanevold i NRK.