Berre tre lokale lag stiller i den ordinære Breimstafetten på Reed stadion i morgon. Det er Hornindal i klasse gutar og damer. I tillegg har Olden lag i herreklassen. I alt 37 lag stiller i dei ordinære stafettane. I tilllegg kjem ei rekkje skulelag i klassen for Kongleriket, opplyser leiar i hovudkomiteen Knut Lunde til Fjordingen.

Det er 77. gong at Breimstafetten vert avvikla, og han vert kalla fylket sitt eldste idrettsarrangement.