I den tredje og siste innleiande kampen i gruppespelet i går kom endeleg sigeren til Hornindal etter uavgjort og tap i Norway Cup. Dermed fekk honndølene tredjeplassen i pulje 11 for gutar 14, sjuarfotball.
Hornindal vann 4-0 over Tertnes etter scoringar av Martinius Espe, Jardar Gullbrå i 1. omgang. Stillinga ved pause var 2-0. Etter sidebytte auka Fredrik Myklebust til 3-0 på straffespark etter felling av Håvard Kroken. Håvard Kroken fastsette sluttresultatet til 4-0.
I dag ventar ein spennande sluttspelkamp for honndølene mot Kjapp.