Anders godt i gang i Grand Prix

Anders Fannemel og resten av hopplandslaget er godt i  gang med sommarhoppinga i Grand Prix i Wisla i Polen.

I går kveld var det laghopping, og det norske laget kom på tredjeplass etter vinnaren Polen og Tyskland på andreplass.

På det norske laget hoppa Johann Andre Forfang, Kenneth Gangnes, Philip Sjøen og Anders Fannemel. Best av dei norske var Kenneth Gangnes med lengder på 127,5 og 129 meter. Fannemel starta med 124 meter og heva seg til 128 meter. Laget fekk 982,7 poeng. Det vinnande heimelaget oppnådde 1042,7 poeng.

I kveld er det individuell hopping før avreise søndag til nye renn i Zakopane.