Den tredje runden av lokale miniputt-turneringar er no i full gang på Stryn stadion.

I løpet av dagen vil det bli spelt mange spennande fotballkampar, og engasjementet både på bana og ved sidelinja er stort.

Turneringa er i regi av fotballkretsen, medan Stryn Fotball er dagens lokale arrangør.

Temaet i dag er Barn hjelper barn. For kvart mål som blir skåra, går ei krone til eit bistandsprosjekt som hjelper born i Vietnam. Dit går også inntektene av loppemarknaden som Stryn Fotball arrangerer. Så klubben håpar mange tek turen på stadion for å sjå på fotball og samstundes støtte ei god sak.