Maratonmannen sprinta inn til NM-sølv

Inge Asbjørn Haugen (t.v.) på pallen saman med gullvinnar Magnus Skjoldal og bronsevinnar Magnar Holvik. 

Sport

Inge Asbjørn Haugen, mannen med flest maratonløp i Norge (454), sprang inn til sølvmedalje på 100 meter i veteran-NM klasse 60-64 år.

Inge Asbjørn Haugen starta idrettskarriera som sprinter. Men etter at han fekk smaken på lange løp, har maraton hatt høgste prioritet. At det framleis er fart i beina, viste han på Byrkjelo stadion. Med tida 15,73 sikra han seg NM-sølv.

Løparen som representerer Hornindal, fekk også med seg gullmedalje etter å ha vunne 2.000 meterduellen mot Olav Lyslo frå Innvik.