Vegard Savland (21) debuterer for Stryn i den første seriekampen etter ferien, mot Sogndal 2 komande søndag. Strynetrenar Dagmund Evebø har store forventningar til den raske og gjennombrotshissige spissen som laga 17 mål for Tambarskjelvar på 11 kampar i 4. divisjon. Savland har også spelt i Saga, Førde og Tertnes.
Også den talentfulle sogndølen Karsten Bjelde (18) er klar for Stryn, men ikkje mot sine gamle lagkaameratar i Sogndal komande søndag. Bjelde har stor løpskapasitet med sentral midtbane som favorittposisjon.
-Han har spelt mange andrelagskampar for Sogndal, og allereie som 15-16-åring var han med førstelaget på treningsleir på La Manga, opplyser Evebø til Fjordingen.
Stryn har vore i full trening ei veke, og det bliir spennande å sjå om dei kan forsvare tredjeplassen på tabellen utover hausten.