Stryn sitt damelag i fotball møtte serieleiar Studentspretten frå Sogndal torsdag kveld. Etter ein jamspelt kamp stod det uavgjort 1-1 ved full tid.
Studentlaget, som er ubeseira i sesonginnleiinga, kom best i gang på Stryn stadion, og allereie etter sju minutt låg ballen i mål bak strynekeeper Anna-Sofie Auflem. Det var også Stryn sitt første baklengsmål i sesongen.
Men etter 36 minutt tok 14-åringen Karoline Flo saka i eigne hender: Frå eigen banehalvdel tråkla ho seg gjennom det som var av motspelarar og sette ballen sikkert i mål. Ein flott prestasjon av Flo som noterte seg for sitt tredje mål for sesongen.
Trenar Halvard Bøe er sjølvsagt fornøgd med å ta poeng mot serieleiaren:
- Vi er fornøgde både med kampgjennomføringa og resultatet. Sjølv om vi har vunne 4-0 i dei to første kampane visste vi ikkje heilt korleis vi låg an i forhold til dei beste i divisjonen. Men Studentspretten er eit godt lag, og vi fekk ei stadfesting på at vi kan spele jamt med dei beste laga.
Kampfakta:
Stryn - Studentspretten 1-1 (1-1)
0-1 Kristin Solås (7. min)
1-1Karoline Flo (36. min)
Dommar: Stein Otto Førde, Breimsbygda
Assistentdommarar: Sureskumar Kathiravel, Eid og Ruben PetersenHeggen, Heia
Gult kort: Olivia Vollsnes Wemby, Stryn
Stryn:Anna-Sofie Engebø Auflem
Hege-Renate Glosvik Espeland
KatrinOppheim
Maria Belinda Bergset
Guro Myklebust
Anna RekdalJohannsdottir
Kaisa Vollsnes Wemby
Karoline Flo
Karoline NordheimOtterdal
Mariell Taraldset
Saeideh Tajik
Innbytarar:
Olivia Vollsnes Wemby
Malene Hopland
Astrid SolheimBjørke
Siv Visnes
Stryn ligg på 2. plass på tabellen med 7 poeng (tre kampar). Studentspretten ligg på 1. plass med 11 poeng (fem kampar).