Politiet har oppretta sak etter kollisjonen i Oplostunnelen fredag
Om årsaka til ulukka seier politibetjent Vegard Dale ved politiet i Stryn og Hornindal at den eine bilen har kome over i motsett køyrefelt.
Den møtande bilen har lagt seg så langt ut som mogeleg for å unngå samanstøyt, og bilane har treft kvarandre med venstre framskjerm.
To personar vart frakta til legesjekk i Stryn med ambulanse. I følgje politiet var det opplyst at den eine hadde uttrykt at vedkomande hadde nakkesmerter.