Vêrgudane var ikkje heilt på arrangørane si side då Sommarfesten iHornindal starta fredag ettermiddag. Men fleire titals born og vaksne trassa piskanderegn og stilte i karnevalstog for å markere at Sommardagane var igong.
Hanne Beate Myrvang og Simon Haugen slo til og vannførstepremie med fiskarutkledninga si. Leiar i HornindalNæringslag, Bjørn Lødemel, var glad og nøgd over at så mange stiltetrass dårleg vêr og sa at eigentleg er alle deltakarane vinnarar.
Vêret gjorde også at nokre av programpostane fredag vert skubba ut til seinare i helga.
Fredag kveld er det tradisjonsrik dansefest i Groparken og innviing av ny danseflake. Laurdag er det blant anna konsertar med Hornindal Musikkorps og Andrea frå The Voice. For ikkje å gløyme årets nye storattraksjon, Ta sjansen der fleire ekvipasjar er påmelde og vil konkurrere om å kome først ned rampa, ut i Hornindalsvatnet og fram til ei bjølle i vatnet.
Av programinnslaga søndag kan nemnast frukost i Groparken, kunstutstilling i Smia, kulturgudsteneste ved Svormuseet, bagasjeromssal, musikkinnslag, teateroppvising og flaskeslepp i elva.
