Oldarane markerer seg sterkt under Ungdomsmeisterskapen i friidrett i Overhalla.
I går gjekk Mathias Melheim (19) til topps med gull i kule G18/19 på ny pers, 16.13 og solid margin ned til nummer to, Torkjel Bjørkbæk, som enda på 15.43. Resultatet til Mathias tilsvarer heile 1027 poeng på Tyrvingtabellen, friidretten sitt resultatmålingsverktøy der 1000 poeng er rekna som eit framifrå resultat.
Tidlegare har Steffen Melheim teke gull og sett ny pers i kule og laurdag slo han også til med sølvmedalje i slegge. Vel sju meter kortare enn gullvinnar Truls Engen Olsen, men med solid margin ned til bronseplassen.