– Fellesskapet får noko tilbake
Utvalsleiaren for kultur, idrett og integrering i Vestland fylke, Stian Davies, var på rundtur i Stryn kommune sist tysdag. Ullsheim, Singerheimen og Gamle Innvik Ullvarefabrikk fekk besøk, i tillegg til Stryn Bibliotek som vart kåra til åretes bibliotek i Vestland fylke. – Eg likar tanken om å formidle historia og eigedomen gjennom bruken av eit ope hus, sa Davies då han besøkte Singerheimen. – Her blir det brukt av fellesskapet sine midler og då får fellesskapet noko tilbake.