Harald Mikal Halvorsen frå Førde tok dette bildet frå Flo 21. mai. Blinkskotet til hobbyfotografen fekk flest stemmer i "Norge i bilder" sin Facebook-konkurranse nyleg. Bildet til Halvorsen vann i konkurranse med tre andre motiv.
– Bildet viser Flo-bygda i full blomstring medan Oppstrynsvatnet ligg blikkstille, står det i teksten til vinnarbildet.
–Det blir nok fleire turar til Stryn, blant anna for å ta bilde i høgda, seier Halvorsen til Fjordingen. Førdianaren jobbar til dagleg som fiskar og kokk, men han har fotografering som ein stor hobby.