Dronning Sonja opnar søndag førstkomande ei hengebru ved ein turveg i Ullensvang i Hardanger. Søndag 8. juli feirar Bjørgvin bispedøme 950 år med festgudsteneste på Selja kloster i Selje kommune i Nordfjord. Der skal dronning Sonja vere til stades.

Festgudstenesta, «Seljumannamessa», blir leidd av biskop i Bjørgvin Halvor Nordhaug som også vil preike. Andre medverkande er blant andre biskop i Nidaros Herborg Finnset, biskop Bernt Eidsvig i Den katolske kyrkja og Bergen domkor saman med eit prosjektkor frå heile bispedømet.

I 1968 besøkte dåverande kong Olav og kronprins Harald med Sonja Haraldsen øya Selja i samband med 900-årsjubileet for Bjørgvin bispedøme.

Dette var eitt av dei første offisielle programma for det nyforlova paret kronprins Harald og Sonja. I år vil dronning Sonja vitje Selja att i samband med 950-årsjubileet.