Justinas Busmic og Tanel Melts er tilbake i strynedrakta etter berre ein halv sesong i naboklubben Volda. Spelarane, som melde overgang til Volda etter fjorårssesongen, er allereie speleklare for Stryn.
Trenar Geir Inge Rake har slite med fleire skader og fråvær på laget i vårsesongen, og han tek i mot forsterkingane med opne armar:
- Dette vil sjølvsagt forsterke laget, og begge er klare og blir med oss mot Tornado Måløy i morgon.
Busmic og Melts var to av berebjelkane i Stryn som forsvann etter fjorårssesongen, og særleg Busmic hadde ein god sesong. Han var også på prøvespel i OBOS-klubben Florø etter fjorårssesongen.