Med to 5-0 gevinstar på rad er det eit Stryn med sjølvtillit som avsluttar vårsesongen borte mot Kaupanger i kveld.
- Vi gler oss til kampen, men også til fotballferien slik at vi kan få kvile spelarane og forhåpentlegvis få på plass dei som er skada til hausten, seier trenar Geir Inge Rake. Han karakteriserer motstandaren som eit fysisk hardtarbeidande lag, som har vunne alle heimekampane sine i vår. Stryn går likevel for tre poeng, men det føreset 100 prosent fokus.
Vegard Sæten Hopland, Justinas Busmic og Petter Hammer er alle uaktuelle, truleg også Marius Rauset. Høgreback Julian Hove er sannsynlegvis klar etter ankelskade.
Stryn og Kaupanger har begge 18 poeng, det ligg såleis an til eit tett og jamt oppgjer.