– 640 fylkesvåpenforslag er komne inn, no søkjer vi folkejury skriv rådgjevar Runar Bjørkvik Mæland i fylkeskommunen i ei pressemelding.
Hordaland og Sogn og Fjordane fylkeskommune søkjer no etter 10 personar som skal sitte i folkejuryen og saman finne fram til ti fylkesvåpenfinalistar. Folkejuryen skal spegle att innbyggjarane i det nye fylket, og ha folk i ulike aldrar og kjønn og frå ulike geografiske område.
Til saman har fylka fått inn 640 forslag til fylkesvåpen frå 324 ulike personar.
Forslaga fordeler seg tematisk slik: Natur: 340, kultur/historie: 162, samtid/anna: 63, kombinasjonar av tema: 75.
Av dei innkomne journalpostane er 242 frå Hordaland og 67 frå Sogn og Fjordane, andre 17 og ukjend 1.