Det er jamt over gode resultat på eksamen i grunnskulen våren 2018, og i matematikk og norsk hovudmål er det framgang frå i fjor.
Det skriv Fylkesmannen i Sogn og Fjordane på nettsida si.
Dei førebelse resultata etter eksamen i dei skriftlege eksamensfaga syner at elevane i Sogn og Fjordane, samanlikna med dei andre fylka, har jamt gode resultat. Spesielt i matematikk og norsk sidemål der resultatet er mellom dei beste i landet.
I norsk hovudmål ligg elevane også i år under landssnittet, men det er ein liten framgang frå i fjor. Det er framleis grunn til å stille spørsmål om kvifor elevane i Sogn og Fjordane har skilnad i kompetansen i hovudmål og sidemål.
Fjorårets karakterar i parantes.
Fagkode | Fagnamn | Landet | Sogn og Fjordane |
ENG0012 | Engelsk 10. årstrinn, skriftleg | 3,7 (3,7) | 3,7 (3,7) |
MAT0010 | Matematikk 10. årssteg | 3,6 (3,3) | 3,8 (3,5) |
NOR0214 | Norsk hovudmål 10. årssteg, skriftleg | 3,6 (3,5) | 3,4 (3,3) |
NOR0215 | Norsk sidemål 10. årssteg, skriftleg | 3,4 (3,3) | 3,6 (3,6) |
Fylkesmannen i Sogn og Fjordane viser elles til Utdanningsforbundet sine sider med samla resultat og vurderingar av eksamensresultatet.