Startar serveringsstad i bestefar si mølle

– Vi har tenkt på dette heilt sidan vi overtok garden, så det er utruleg kjekt å endeleg ha fått det til, seier Karin Erdal Nesje, som nyleg opna Erdalen Bygdemølle for gjester.
Nyhende

Dette er mølla til Karin sin bestefar, Iver P. Erdal, bygd i 1932 og no gjenopna som serveringsstad og camping-resepsjon.

Historia heng i vegger og interiør

Når du stig inn i Erdalen Bygdemølle møter du historia bokstaveleg talt i døra. Det har blitt eit moderne serveringslokale som også fungerer som resepsjon for Grande Camping rett ved sidan av. Men her heng historia om lange arbeidsdagar og produksjon av livsviktig mjøl og korn i mellomkrigstida både i vegger, tak og interiør.