Taraldset, Hopland og Garlid scorar mest

Mariell Taraldset, Vegard Sæten Hopland og Mathias Garlid er spelarane som har scora flest mål for Stryn sine seniorlag.

Fotballsesongen er halvspelt, og for Stryn sitt damelag i 3. divisjon er det Mariell Taraldset som står med flest nettkjenningar. Seks gonger har den raske kantspelaren funne vegen til mål. Hedda Vatn Øvreberg, Kaisa Vollsnes Wemby, Karoline Flo og Saeideh Tajik står alle med tre mål kvar.

Kretsligaen og 5. divisjon

Vegard Sæten Hopland og Mathias Garlid står med ni scoringar kvar for herrelaget i Kretsligaen. Marius Rauset har sju scoringar, medan Håvard Kroken har fire. Veteranen Frode Hool Egge og re-signeringa Tanel Melts har to mål kvar.

John Marius Berger er Stryn 2 sin toppscorar i 5. divisjon med tre mål. Verdt å merke seg er at Stryn sin storscorar siste sesongane, Mads Wie, som no spelar for moderklubben Sandane, er toppscorar i divisjonen med 12 mål.

6. divisjon

For Oppstryn i 6. divisjon står både Lars Midthjell Gjørven og Martin Nesje Lindvik med åtte scoringar kvar. Jonathan Silden har fire mål, og Rasmus Bø står så langt med tre nettkjenningar.

For dei lokale laga startar haustsesongen i løpet av august månad.