Marit Johanne Lunde
Pensjonist
Hornindal
– Kva opptek Marit Johanne Lunde for tida?
– Eg jobbar frivillig med å halde orden i sentrum med å plukke boss, vaske bord og benkar og vatne planter. Så går eg tur med Lady, naboen sin hund, og er saman med barn og barnebarn.
– Ferierer du?
– Ja, i Honndalen. Kvifor reise vekk når vi har det så fint her?
– Kva er di draumeoverskrift i Fjordingen?
– Hornindal omsorgssenter blir utbygd.
– Tips til ein regnversdag?
– Gå ut ein tur. Vinn over dørstokkmila.
– Favorittbadeplass?
– Eg sym ikkje, men den finaste plassen å vere er nedanfor Grobygget i Honndalen. Det er fint også utan bading.
– Badedrakt eller bikini?
– Ingen av delane. Eg brukar bukse og overdel.
– Din sommarhit?
– Ingen spesiell sommarhit. Men eg likar «Kommer nå, våren kommer nå» med Stein Ove Berg.
– Kva les du om sommaren?
– Aviser. Og så låner eg bøker på biblioteket om kulturelt stoff frå bygda.
– Du får sommargjester. Kva attraksjon i indre Nordfjord tek du dei helst med til?
– Det er mykje. Kyrkja som vart bygd i 1856. Svormuséet. Lavvoane i dalen. Heile Grodås sentrum.
– Kven får di helsing gjennom lokalavisa?
Gry. Eg vil ynskje til lukke med nyetablering med Spiseriet. Ho er eit unikum og ser ingen problem.