Jens August Guddal Muri (18)
Sommarvikar ved Bunnpris Olden
Olden
– Kva opptek Jens August Guddal Muri for tida?
– Jobbing, fjellturar, henge med kompisar, ha det artig ute i sola og ikkje minst pleie forholdet til kjærasten Anette Lillestøl i Honndalen.
– Ferierer du?
– Eg håpar å få ein liten sydentur seinare i sommar.
– Kva er di draumeoverskrift i Fjordingen?
– Oldengut vann 630 milllionar i Eurojackpot!
– Tips til ein regnversdag?
– Vaske hus og glede mamma. Elles heiter det at det ikkje finst dårleg vêr, berre dårlege kle.
– Favorittbadeplass?
– Avleivikja og Langesetvatnet er favorittane.
– Badeshorts eller speedo?
– Badeshorts.
– Din sommarhit?
– Eg har ingen spesiell hit og høyrer på masse.
– Kva les du om sommaren?
– Det vert lite tid til å lese, men det vert nyheiter på nett. Speseilt sport og fotball-VM no i sommar.
– Du får sommargjester. Kva attraksjon i indre Nordfjord tek du dei helst med til?
– Via Ferrata, Loen Skylift, Briksdalsbreen, fjelltur i fjella våre og fiske i Oldenvatnet.
– Kven får di helsing gjennom lokalavisa?
– Det må bli helsing til mamma, Anita Vigdis Guddal. For at eg er glad i ho og for at ho stiller opp når ho kan.