Anders Egset fekk sommarjobb som passar perfekt i høve studiane på Norges Miljø- og biovitskaplege Universitet (NMBU) på Ås.
Om eit år er han ferdig ingeniør innan geomatikk, kart og landmåling. I vår skal han til Nederland på utveksling.
– Eg kan utvide med to år og bli sivilingeniør, fortel Anders. Han har fått bruke kompetansen hos Stryn energi, og ved hjelp av GPS plotta strømledningar inn på kartet.
– Det kan vere god besparing med god planlegging og oversikt, seier Anders.
Planen etter studiane er å skaffe erfaring og kan hende på sikt busette seg i Stryn. Med kjæraste i same fagfelt er det viktig at begge då får jobbtilbod.
– Kjem eit godt tilbod så skal eg vurdere det
Peter Myklebust (17) jobba innan bygg- og vedlikehald i teknisk sektor. Han tilrår andre om å nytte sjansen til sommarjobb i kommunen. Til hausten skal Peter til Nordfjord kjøtt som lærling i industrimekanikarfaget. Han drøymde om å bli arkitekt eller grafisk designar, men valde industriteknologi.
– Å jobbe med praktiske ting var kjekt, konkluderer Peter og fortel om opning av tette toalett, riving av vegger og målararbeid.