– Utlendingsforvaltinga ved kontoret i Stryn blir lagt ned, fortel Eva Flataker, som har hatt ansvaret for utlendingsforvaltinga lokalt.

Utlendingsforvaltninga for Sogn og Fjordane vert sentralisert til Førde fra 1/1 2020. Dette avheng av at nytt politihus i Førde då er opna. Det er i dag mange forskjellige nasjonalitetar i dei ulike kommunane (i Stryn er det til dømes 50). Utlendingsforvaltinga tek seg av ei rekkje ulike typar saker innanfor sitt ansvarsområde. EØS-saker, opphaldsløyve for fagarbeidarar, permanent opphaldsløyve, statsborgarsaker og overføringsflyktningar (kvoteflyktningar) til dømes.

Søkje på nettportal

– Kva skal arbeidsgjevarar og privatpersonar gjere no, dersom dei har saker dei vil ha behandla?

– No må dei gå på søknadsportalen til UDI (Utlendingsdirektoratet) og søkje der. No kan dei ikkje lenger levere fysisk søknad på kontoret i Stryn, seier Flataker.

– Det gjeld både førstegongssøknadar og fornying, opphaldskort og anna.