– Det går førebels som på skinner. Den siste brua er per i dag ikkje ferdig, men det skal ikkje påverke framdriftsplanen, seier prosjektingeniør i Stryn kommune, Hanne Vangen.
Går alt etter planen vil arbeidet med å
forsterke dammen kring drikkevasskjelda
ta til på vårparten neste år. Arbeidet på dammen er kostnadsrekna til 19 millionar kroner.
Vegen opp til Holevatnet er under rehabilitering
for å tole betongbilar og anleggstrafikk. Så langt er brua over Vikaelva ved Tonningsætra erstatta med ei ny seks meter brei betongbru utstyrt med rekkverk. I tillegg er det bygd ei ny gangbru på nedsida av denne.
Vegen skal etter planen vere ferdig rehabilitert innan 15. oktober i år og det er Stryn kommune og Arvid Hatledal AS som er entreprenørar. Stryn kommune har ansvar for drift av vegen som ligg på privat grunn.
Anleggstrafikk/massetransport går opp til Tonningssætra via gamle Setrevegen og trafikken der vil halde fram i haust.