Politiet etterforskar uhellet der ekspressbussen Oslo-Ulsteinvik køyrde av rv 15 ved Dispen i Nedstryn måndag morgon.
- Det sat to passasjerar heilt framme i bussen. Om nokon av passasjerane langt framme i bussen observerte noko i tilknyting til utforkøyringa, eller rett i forkant, vil politiet ha tips, seier politibetjent Kurt Hammerø.
Politiet gjennomførte avhør av bussjåføren tysdag, men av omsyn til vidare etterforsking kan han ikkje gå ut med kva sjåføren har forklart.
- Vi veit ikkje årsak til utforkøyringa, men vil blant anna få gjennomført teknisk undersøking av bussen, seier Hammerø.
- Er bussjåføren sitt førarkort beslaglagt?
- Det er ikkje beslaglagt på det noverande tidspunkt, seier Hammerø.