Søndag er det klart for ein innhaldsrik dag ved Sagedammen i Ulvedal. Då vert det Kulturdag på Nordsida med alt som høyrer til. Det vert mellom anna salsbodar, matsal, utstillingar og sjølvsagt hønsebingo. Mgp-juniorvinnar Oselie Henden kjem og held konsert, og ho har tidlegare uttrykt at dette gler ho seg til. Fleire musikkutøvarar frå nordsida av fjorden kjem også til konserten.