– No må vi nullstille

Etter den overbevisande sigeren borte mot serieleiar Fjøra førre helg er det blanke ark att for Stryn før møtet med tabellnabo Årdal laurdag.

– No må vi nullstille, og fokusere inn mot Årdalkampen, seier trenar Geir Inge Rake. Han trur kampen på laurdag blir ein heilt annan enn oppgjeret mot Fjøra:

– Vi kjem muligens til å vere det ballførande laget. Årdal er i bra form, og det blir nok ein tøff og jamspelt kamp der effektivitet framfor mål blir avgjerande, spår Rake, som må klare seg utan kvintetten Justinas Busmic, Tanel Melts, Alexander Jakobsson, Julian Hove og Eirik Sæten til oppgjeret mot tabellnaboen.

Både Stryn og Årdal står med 24 poeng etter 13 spelte kampar.