– Eg trivst enormt bra i gruppa i Stryn. Eg merka det frå første treninga med laget, alle spelarane tok godt imot meg, seier 15-åringen som er på utlån frå Sogndal ut sesongen.
Hetle debuterte som strynemålvakt mot Fjøra førre helg.Han kjem frå Breim og har spela på Sandane. Keepertalentet har også fått prøve seg på aldersbestemt landslag. For kort tid sidan signerte han for Sogndal, og målet på sikt er å spele seg inn på førstelaget.
– Men til neste sesong er målet å kjempe om plassen på Sogndal 2. Så etter det ta opp kampen om førstekeeperplass.
Og spel for Stryn i haustsesongen meiner han er ein fin etappe på vegen dit.
– Ja, det er den beste matchinga eg kan få akkurat for øyeblikket, så det er supert!