– Søndag er det klart for tradisjonelt sommartreff i Liatunet i Innvik. Det fortel Dag Vanberg, som sit i styret for Liatunet.
Kulturdagen følgjer tradisjonelt program, og arrangøren kan freiste med kaffi, sveler, rømmegraut og smaksprøve av eldhussteikte brød med meir. Det blir musikkinnslag og høve til å få omvising i Liatunet, der det meste av det som kan finnast på eit gardsmuseum er teke vare på.
– Vi kjem også til å ha griseslakting i tunet på søndag, fortel Vanberg.
Eldste i sitt slag
Liatunet vart gitt i gåve til Stryn kommune i 1998, og tunet er det eldste komplette i sitt slag i fylket.
I fjor deltok over 100 personar på kulturdagen i Liatunet.