Brua og kopling mellom E39 og rv15 i fokus:

- Kryss E39/rv 15 like viktig som krysset på Skei

Næringslivet og ikkje minst transportnæringa er klokkeklar på kravet om skikkeleg kryssløysing på Svarstad, mellom rv15 og framtidig E39.

E39: Rolf Olav Tenden (t.v.) i Thor Tenden Transport og Svein Sunde i Gode Vegar AS var viktige aktørar under fredagens møte om E39.  Foto: Bengt Flaten

Nyhende

I dag tysdag skulle ordførarar og administrativ leiing i dei tre kommunane Stryn, Hornindal og Gloppen vore i møte med Statens vegvesen for å planleggje vidare framdrift for E39 Grodås-Byrkjelo. Men møtet er utsett på ubestemt tid.

Gode Vegar AS inviterte næringslivsaktørar og politiske leiarar i Stryn til møte sist fredag, for å samle signal til neste arbeidsmøte om E39. Eitt signal er klart: Den løysinga Statens vegvesen har lansert med halvt kryss på Svarstad, er ikkje godt nok. Rolf Olav Tenden i Thor Tenden Transport sa rett ut at ein ikkje har bruk for brua utan skikkeleg påkøyring. Før han presiserte at tunnel frå Svarstad til eit eventuelt kryss i Markane kan vere ei løysing.