Unni Wilhelmsen til visefestivalen

Styn Visefestvial slepper første artist som er booka til festivalen: Unni Wilhelmsen.

Kjem til Stryn: Unni Wilhelmsen er klar for Stryn Visefestival i april. Pressefoto frå Backstage Management og Produksjon  Foto: Backstage Management og Produksjon

Nyhende

Nyskipa Stryn Visefestival skal føregå 5. og 6. april. Primus motor er Torstein Tvinnereim, og med seg som arrangørar og vertskap har han Stryn Kulturhus, Stryn Kaffebar & Vertshus, Isehaug Kafeteria og Vishes Hotel.

No byrjar også programmet å ta form. Første artist som vert sleppt er Unni Wilhelmsen. Artisten med dei mange gitarane og den særprega, rike stemma slo igjennom med eit brak i 1996 med debutalbumet «To Whom it May Concern», som gav henne ikkje mindre enn to Spellemannprisar: Årets album og Årets kvinnelege artist. Låta «Won’t go near you again» vart ein stor hit og har vore å finne på spelelistene på radiostasjonar med jamne mellomrom sidan.