< Klatrepark Hydla Stryn - Fjordingen

Investerer 20 millionar kroner:

Etablerer stor klatrepark på Hydla

Familievenleg klatrepark med eit 15 meter høgt klatretårn, spenstige ziplines og pumptrack skal etablerast i Stryn.

Storsatsing: Eigar Otto Vik (i sort jakke) står der klatretårnet skal byggast. Klatreparken skal etablerast på moreneryggen til høgre. Her er Vik flankert av dei som står bak driftsselskapet; Fv: Rasmus Endre Bø, Monica Beate Hesjedal, Berit Veka, Marthe Holien Bø, Øystein Hesjedal og Einar Brath. Administrasjonsbygg skal opp der gravemaskina står bak til venstre.  Foto: Roger Oldeide

Nyhende
  • Skrevet av  Roger Oldeide roger.oldeide@fjordingen.no

– Vi byggjer for framtida, seier utbyggjar og eigar av Hydla hyttefelt, Otto Vik. Han satsar på å opne klatreparken alt komande sommar og har ei målsetting om 7.000 besøkande første driftsår. Han meiner tilbodet i stor grad er tiltenkt lokalbefolkninga.

Familievenleg: Fem ulike løyper med klatreaktivitetar skal etablerast på moreneryggen på Hydla i Stryn. Leverandør av klatreparken er Høyt og Lavt.  Foto: Høyt og lavt Aktivitespark AS

– Både hytteeigarane og stryningane sjølve har etterlyst eit familievenleg aktivitetstilbod i Stryn sommarstid og det skal dei få. Sjølv tenkjer eg på dette som eit bulyst-prosjekt for Stryn, seier Vik.