Etterforskar dødsfall på Nordfjordeid

Illustrasjonsfoto  Foto: Bengt Flaten

Nyhende

Politiet etterforskar eit dødsfall i eit kommunalt husvære på Nordfjordeid. Det opplyser Vest politidistrikt i ei pressemelding.

Politiet vart varsla om dødsfallet søndag 19. januar kl 1737. I følgje pressemeldinga vart ein mann funnen død i leilegheita og dødsårsaken var uklar.

«For å få klarlagt omstendighetene gjennomførte politiet en åstedsundersøkelse i går, samt innhentet vitneforklaringer. Det er opprettet en undersøkelsessak og avdøde er sendt til obduksjon. Man regner med at obduksjonsrapporten blir klar i løpet av tirsdag 21. januar. Det vil ikke bli gitt ytterlig kommentarer fra politiet før obduksjonsrapporten foreligger», skriv politiet i pressemeldinga.

Pårørande er varsla, men politiet vil ikkje frigje namnet til avdøde i dag.