Jan Guillou har i det femte bindet i serien «Det store århundret» valt å skrive ei spenningsbok med andre verdskrig som ramme og kvinnene i fokus.
- Det er mye interessant stoff å hente i historien om kvinnenes lenge fortiete krigsinnsats, skreiv VG sin anmeldar Sindre Hovdenakk då boka kom ut. Hovudpersonen i boka «Blå stjerne» involverer seg i motstandsarbeidet mot nazistane og samarbeider med britiske SOE.
Som bakgrunnsmateriale har den svenske forfattaren mellom anna nytta Kristin Hatledal si kritikarroste bok "Kvinnekamp - historia om norske motstandskvinner", og i etterordet rosar han boka og anbefalar henne på det varmaste.
- Ein hyggeleg overraskelse, seier Kristin Hatledal.
- Eg har likt veldig godt den nye serien hans, «Det store århundret», så eg syntest det var veldig kjekt at han i den nyaste boka fokuserte så sterkt på kvinner i motstandsrørsla når han skulle skrive om denne tida. Og så var det ein hyggeleg overraskelse at boka mi har vore ei av kjeldene hans. Det er litt stas, seier Hatledal, som legg til at det er veldig flott at ein av dei store forfattarane i Norden som vel å fokusere på dei kvinnelege motstandskjemparane.
- Det har vel knapt vore gjort før i skjønnlitteraturen så vidt eg veit, seier ho.
Fakta om Jan Guillou (1944-)
Svensk journalist og forfattar med med fransk far (Charles Guillou) og norsk mor (Marianne f. Botolfsen).
Kjend m.a. for bokserien om agenten Carl Hamilton, filmatisert og vist på TV i fleire land, og den historiske romanserien om korsfararen Arn Magnusson.