Engasjerte blomeelskarar har stemt fram villbloma issoleie til årets villblome, skriv Nationen. Kåringa er arrangert kvart år sidan 2016 av Norsk Botanisk Forening.
- Dette er ein rett, "urnorsk" plante, og er den arten som er funnen høgast til fjells, 2370 meter over havet nesten heilt på toppen av Galdhøpiggen. Lom kommune, som har Norges to høgaste fjell Galdhøpiggen og Glittertind innanfor grensene sine, har også valt issoleie som kommuneblomsteren sin. Det er denne planten Knut Fægri kallar symbolet til det nordiske høgfjellet, seier styremedlem i Norsk Botanisk Forening (NBF), Kristin Steineger Vigander, til Nationen.
Issoleie er raudlista som "sårbar" på Fastlands-Norge og "nær truga" på Svalbard, seier Vigander.
(NPK