For ti år sidan, 15. mars 2006, skreiv Fjordingen om to gutar med ein uvanleg fiskefangst:

Det var ikkje ein heilt vanleg fisk Magnus Håvik fekk på fiskekroken søndag. Opp av fjorden kom ein stor blekksprut då han og kameraten fiska på Visneskaia i Stryn.

Søndag ettermiddag var Magnus Håvik (13) og kameraten Kato Nygård (13) ute på Visneskaia og fiska. I det fine veret prøvde dei fiskelukka.Dei hadde berre fiska eit lita stund då dei merka det var noko tungt som nappa på fiskestonga. Ein stor blekksprut vart med på turen opp då dei snurra opp kroken.Stor blekksprut– Eg har ikkje fiska blekksprut før. Eg har ikkje sett det før ein gong, fortel Magnus som fiska opp den uvanlege fangsten. Den levande Blekkulfen fekk ikkje vere på land så veldig lenge. Først fekk han eit kort opphald i ein pose med vatn. Etterpå måtte han pent vere med på eit bilde til ære for fotografen. Til slutt fekk han sleppe ut i fjorden att, og forsvann ned i det mørke djupet.Ein del nappDei to gutane frå Stryn brukar å fiske litt frå båtbrygga om sommaren. I vinter har dei vore eit par gongar på kaia på Visnes.– Det har vore ein del napp, men lite fisk, fortel dei. Men det er ikkje kvar dag ein får ein så stor blekksprut på kroken, har dei fått høyre med andre.