Dei mange frammøtte på nyttårskonserten i Honndalshallen i går kveld fekk ei strålande oppleving med Sunnivakoret, Ytre Suløens jassensemble og Birgitte Grytten Velsvik.
Stryningen David Gald er tubaist i Ytre Suløen, og saman med trombonist Andreas Rotevatn frå Eid utgjer han «nordfjordbenken» i det legendariske jazzensemblet. Begge to fekk høve til å briljere "på heimebane" i Nordfjord laurdag kveld.
- Å kome til Honndalshallen og spele konsert var stas, seier han til Fjordingen.
– Det er alltid kjekt og spennande å spele på heimlege trakter og få møte litt slekt og vener. Det var godt oppmøte og god stemning i Hornindal, så vi kossa oss veldig!
I kveld er det Sykkylven kulturhus som står for tur for Sunnivakoret, Ytre Suløen og Birgitte Grytten Velsvik sin nyttårskonsert.
Du kan lese meir om konserten i tysdagsavisa.