Det er sjeldan varsom melder raudt farevarsel for snøskred, men det gjeld torsdag og fredag for både indre fjordane og Sunnmøre.
Det er kraftig vind frå torsdag ettermiddag som gir aukande skredfare som allereie er betydeleg stor. Store naturleg utløyste skred er venta. Nokre kan bli svært store.
– Utvis stor aktsemd inntil vidare, oppmodar varsom som ber alle halde seg unna all skredterreng.
Det ligg svært mykje laus snø tilgjengeleg for vinden og mest utsett terreng er fjellsider mot nord og vest der det legg seg mest fokksnø. Fokksnøen legg seg på eit allereie ustabilt snødekke.
Problemet er venta å vere størst nord for Nordfjord.
– Ta høgde for store skred til uveret er over og unngå alt skredterreng. Skred i kjende skredbaner kan få lange utløp, skriv varsom.