Stryn fotball reiste i helga til Danmark for treningsleir i sesongoppkøyringa. Måndag var det sett av tid til treningskamp mot Eik-Tønsberg. Også dei spelar i 3. divisjon. Kampen enda med siger 2-0 til raudtrøyene. Det var Vegard Hopland og Justinas Busmic som skåra.

I løpet av opphaldet skal strynespelarane også få med seg ein kamp med Ulrik Flo og hans nye klubb Silkeborg. Flo har spela to kampar etter sin ankomst i Danmark, og vart kåra til Man of the match i debutkampen mot Fredericia.