Klokka 12.52 fekk politiet melding om ei mogleg luftsportsulykke i Loen etter at ein person sette ut frå Hoven med speedglider og vart borte. Vedkomande var i eit følge med to andre som varsla politiet då dei ikkje såg att personen.
– Ein luftsportsutøvar er lokalisert i vanskeleg terreng i gjølet nedfor toppen. Redningshelikopter og alpin redningsgruppe er på veg. Tilstanden på vedkomande er ukjend, seier politioverbetjent ved Stryn politikontor, Vidar Stavik til Fjordingen.
– Redningshelikopter jobbar no med å hente ut ein person frå fjellet. Tilstanden på vedkomande er ukjend, men ifølge operasjonsleiar på staden skal det vere snakk om ei alvorleg ulukke, opplyser Fjordingen sin journalist på staden.
– Politiet oppretter sak og vil etterforske ulukka, og blant anna snakke med vitner, seier Stavik.