Det vart eit mållaust oppgjer og poengdeling mellom Stryn og Årdal. Men det var ikkje berre måla som uteblei, meininga i spelet syntes også fråverande i lange periodar.

Manglande presisjon hos heimelaget øydela for fleire potensielle sjansar, og sjølv om Stryn hadde mykje av banespelet var det strengt tatt berre siste kvarteret av kampen at det kunne noterast for klare målsjansar.

Årdølene hadde heller ikkje dei store sjansane å skrive heim om, så eit uavgjort resultat var etter alt å døme rettferdig nok.