Søndag kveld gjekk påmeldingsfristen for årets Ungdommens Kulturmønstring ut. I følgje heimesidene til UKM har til saman 39 deltakarar meldt seg på. Status viser 22 sceneinnslag med både klassisk, indierock, visesong, pop, rock, korpsmusikk og folkedans på programmet. Ni prosjekt er påmeldt til utstillinga med blant anna teikningar, eventyrmåleri og treskjering. 25 av aktørane kjem frå Stryn kommune, medan Hornindal har 14.
Den lokale mønstringa i UKM blir i år i Stryn kulturhus laurdag 23. januar.