Honndølen hoppa 217 m i vanskelege vindforhold i det første hoppet, og gjekk opp i leiinga etter å ha fått gode stilkarakterar og heile 10,1 plusspoeng på grunn av dei vanskelege forholda. Dette heldt til slutt til ein 5. plass etter første omgang, etter Robert Kranjec, Johann André Forfang, Kenneth Gangnes og Michael Hayböck.

Det vart ein spennande andre omgang. Heimehelten Peter Prevc låg på plassen bak Fannemel, men smelte i andre omgang til med 240,5 m. Fannemel greidde ikkje å følgje opp i nærleiken av same lengde, og landa på 405,5. Han rykte difor noko nedover lista.

Til slutt vart det dobbelt slovensk i toppen, Robert Kranjec (336) framfor Peter Prevc, med  Johann Andre Forfang, som hoppa 233 m i andre omgang, på tredje plass. Anders Fannemel vart nummer 10.

I morgon er det laghopping, før det er verdscupfinale i skiflyging søndag.