Kripos granskar branntomta

To politifolk frå Kripos kom i morgontimane søndag til Hornindal for å finne årsaka til brannen på Grodås Camping natt til laurdag. Kona omkom i brannen og ektemannen vart lettare skadd då ei campingvogn brann opp. Dei to var heimehøyrande på Sunnmøre. Politivakta understrekar at det ikkje er mistanke om kriminelle forhold knytta til brannen, men at det er hyra inn assistanse for å finne brannårsaka.