Du treng ikkje engste deg, om du ser mykje uniformert politi, brann- og ambulansepersonell i full aksjon i området frå Stryn brannstasjon til Riise, aust for Stryn sentrum onsdag ettermiddag og kveld.

– Dei tre naudetatane skal då arrangere ei såkalla PLIVO-øving, som står for pågåande livstruande vold. Dette er ei øving på samhandling mellom naudetatane, og øvinga vil pågå frå ettermiddagen til kvelden. Det vil vere mykje synleg og væpna politi i området, i tillegg til brann- og ambulansepersonell. Det kan og bli avfyrt skot med markørvåpen, og vi vil vil nytte personar som markørar, der det ser ut som desse er skadde, opplyser politibetjent Jan Tore Sunde.