På sosiale medium oppmodar politiet i Nordfjord folk om å respektere reglane for rakettoppskyting i kveld.
– Rakettar skal skytast opp mellom klokka 18.00 og klokka 02.00. Etter det seier reglane stopp, skriv politiet som ber folk tenkje seg om kor og når du sender opp fyrverkeri.
– Både folk og dyr kan bli redde, så gjer det til rett tid. Ta omsyn til dei du har rundt deg så ingen treng å kvi seg. Beskytt auga dine med gode briller og tenk over kor mykje du har i promille, oppmodar politiet.