Vervarslinga har sendt ut OBS-varsel for Vestlandet om kraftig vind i helga. Laurdag vil vinden auke til sørleg sterk kuling utsette stader. Det kan bli vindkast på 25-30 m/s. Det er og venta kraftig vind på søndag, melder Yr.no

- Det vil ikkje nødvendigvis blåse så mykje heile tida, men det kan kome enkelte periodar med veldig kraftig vind. I tillegg vil det kome litt nedbør etter kvart, seier vakthavande meteorolog Berit Hagen ved Meteorologisk institutt til NTB.

– Vi sender ut eit OBS-varsel, særleg fordi det er påske og vi veit at det er mykje folk i fjellet, seier Hagen.